Naustatangi 2 (+354) 460 2900 info@slipp.is

Slippurinn Akureyri útskrifar 15 nemendur úr Iðnir

Föstudaginn 24. maí útskrifaði Slippurinn á Akureyri 15 nemendur úr valáfanganum Iðnir fyrir alla sem unnin er í samstarfi við grunnskóla Akureyrar. Um er að ræða valáfanga fyrir nemendur í 9. og 10. bekk sem ætlað er að vekja áhuga grunnskólanemenda á iðngreinum og kynna fyrir þeim þau fjölbreyttu störf og starfstækifæri sem iðngreinar hafa upp á að bjóða. Námið er fjölbreytt og byggir á fræðslu, vettvangsferðum og verklegum æfingum og fer námskeiðið að mestu leyti fram í Slippnum á Akureyri. Starfsfólk Slippsins og umsjónaraðilar frá grunnskólum Akureyrar halda utan um áfangann og fá nemendur að kynna sér helstu starfsemi Slippsins, t.d. vélvirkjun, stálsmíði, ryðfría smíði, tölvuteikningu, rafeindatækni og fleira.


„Slippurinn er gríðarlega stoltur að geta boðið upp á svona áhugaverðan valáfanga fyrir grunnskólanemendur í 9 og 10 bekk hér á Akureyri. Við fórum af stað með þetta verkefni í fyrra og það hefur gengið ótrúlega vel, á þessu ári þá fórum við einnig í heimsóknir í Verkmenntaskólann á Akureyri og Rafeyri sem var mjög skemmtilegt og fræðandi fyrir nemendur. Alls eru þetta 15 skipti á vorönn sem nemendur mæta í og skila af sér video-dagbók eftir hvern tíma. Mikil ásókn er í þennan valáfanga og því miður þá komast færri að en vilja” Segir Kristján Heiðar Kristjánsson, Mannauðsstjóri Slippsins Akureyri ehf.

Nemendur kynna lokaverkefnin sín

Slippurinn Akureyri með vinnsludekk í Vestmannaey og Bergey

Slippurinn Akureyri og Bergur-Huginn dótturfélag Síldarvinnslunnar hafa gert samkomulag þar sem Slippurinn mun bera ábyrgð á vinnsludekkjum um borð í nýju ísfiskurunum Vestmannaey VE og Bergey VE. Skipin, sem smíðuð eru af norsku skipasmíðastöðinni Vard, eru 29 metrar að lengd og 12 metrar að breidd og taka um 80 tonn af ísuðum fiski í lest. Slippurinn mun bera ábyrgð á heildarlausn í skipunum, allt frá því að fiskurinn kemur um borð og þar til hann er kominn í kör niður í lest.

„Á vinnsludekki skipanna verður komið fyrir afkastamikilli aðgerðarlínu ásamt öflugum búnaði til blóðgunar og kælingar sem tryggir góða meðhöndlun á fiskinum. Einnig verður rúlluflokkari um borð sem mun gróf-flokka fiskinn áður en hann fer niður í lest. Við hönnun á vinnsludekkinu var lögð áhersla á góða lausn sem tryggir framúrskarandi gæði hráefnis, auðvelt aðgengi að þrifum og góða vinnuaðstöðu. Öll hönnunarvinna var unnin í nánu samstarfi við útgerðina og gekk vel “ segir Ólafur Ormsson, sviðsstjóri hjá Slippnum á Akureyri í viðtali við heimasíðuna.

„Samstarfið við Slippinn á Akureyri hefur gengið vel og miklar væntingar bundnar við nýju skipin. Við sjáum fram á meiri afköst í bæði veiðum og vinnslu og erum fullvissir um að gæði aflans úr þessum skipum verða fyrsta flokks” segir Guðmundur Alfreðsson útgerðarstjóri Bergs-Hugins.

Áætlað er að uppsetning á vinnslubúnaðinum í Vestmannaey fari fram um miðjan júlí og Bergey seint í haust.

Samherji semur við Slippinn á Akureyri um vinnsludekk í Kaldbak EA 1 og Björgúlf EA 312

Samningar hafa verið undirritaðir milli Samherja og Slippsins Akureyri um ný vinnsludekk í
ísfisktogaranna Kaldbak EA og Björgúlf EA. Áætlað að Slippurinn klári uppsetningu á vinnsludekkinu í
Kaldbak síðla sumars og svo uppsetningu í Björgúlf snemma á næsta ári. Á síðasta ári afhenti
Slippurinn vinnsludekk í Björg EA sem er systurskip Kaldbaks og Björgúlfs.

„Vinnsludekkið í Björgu EA hefur komið vel út á þessu fyrsta ári og hefur aflameðferðin verið fyrsta
flokks og ekki að ástæðulausu að fiskurinn úr Björgu er sá besti sem hefur verið í unninn í fiskvinnslu
Útgerðarfélags Akureyrar. Þjónustan og eftirfylgni Slippsins með vinnsludekkinu í Björgu hefur verið
til fyrirmyndar og lítið um vandamál frá því að skipið fór í sína fyrstu veiðiferð. Það lá því beinast við
að semja aftur við Slippinn um hönnun, smíði og uppsetningu á Kaldbak EA 1 og Björgúlf EA 312,“
segir Hjörvar Kristjánsson, verkefnisstjóri nýsmíða hjá Samherja.

Í skipunum verða bæði kæli og blóðgunarsniglar frá norska fyrirtækinu Stranda sem Slippurinn er í
samstarfi með en einnig verða lyftur frá fyrirtækinu Holmek. Slippurinn hannar lausn svo að fiskurinn
verði settur í kör uppi á vinnsludekkinu og fer svo niður í lest með lyftum frá Holmek, sú lausn verður
einnig sett í Björgu EA.

„Við viljum bjóða viðskiptavinum okkur upp á bestu og þekkustu lausnirnar hverju sinni. Það var því
ákveðið í sameiningu með Samherja að kaupa snigla frá Stranda og lyftur frá Holmek“. Við þekkjum
þessi fyrirtæki vel og erum að vinna með þeim í öðrum verkefnum“ segir Ágúst Guðnason
yfirhönnuður hjá Slippnum á Akureyri.

Við hönnun á vinnsludekkjunum í Kaldbak og Björgúlf var nýtt það góða úr Björgu sem snýr að
aðgengi að þrifum, gönguleiðum, aðgerðarastöðunni og aflameðferðinni.

„Slippurinn og Samherji lögðu áherslu á að hafa vinnsludekkin einföld og skilvirk, það skilar sér í betri
og öruggari aflameðferð og minnkar áhættuna á miklu viðhaldi sem skiptir bæði okkur og Samherja
miklu máli,“ segir Ágúst.

Erlend skip í Slippnum á Akureyri

Kanadíski rækjutogarinn Newfound Pioneer, sem er í eigu Newfound Rescources, hefur nú verið í slipp á Akureyri í rúman mánuð. Skipið er í hefbundinni klassaskoðun og hefur verið botnmálað, sinkað, öxuldregið auk þess sem skipt hefur verið um stálplötur í skipinu ásamt öðrum minni viðhaldsverkefnum. Skipið er eitt af fjölmörgum erlendum skipum sem hafa komið í Slippinn á Akureyri á undaförnum árum.

„Skipaflotinn hérna á Íslandi hefur gengið í gegnum mikla endurnýjun og þar að leiðandi koma skipin sjaldnar og í minni slippa en áður. Þess vegna höfum við hjá Slippnum á Akureyri lagt meiri áherslu á að fá erlend skip til okkar, aðallega frá Rússlandi, Grænlandi, Kanada og Noregi. Samkeppnin er þó mikil, bæði hér heima og erlendis“ segir Ólafur Ormsson, sviðsstjóri hjá Slippnum á Akureyri, aðspurður um málið.

Í næstu viku kemur grænlenski togarinn Nataarnaq, sem er í eigu Ice Trawl Greenland og Royal Greenland, og mun vera í slipp í einn mánuð. Þar mun fara fram vélarupptekt á skipinu, öxuldráttur, viðhald á vindukerfi og skipið verður botnmálað.

„Verkefnastaðan er góð næstu mánuðina en að sjálfsögðu viljum við geta horft lengur fram í tímann. Það sem gefur okkur ákveðið forskot er að við erum stór vinnustaður og við bjóðum upp á fjölbreytta þjónustu. Einnig störfum við eftir ISO 9001 gæðakerfinu sem er alþjóðleg vottun og tryggir að við þurfum að uppfylla gæðakröfur og fara eftir ákveðnum verkferlum í okkar þjónustu, sem viðskiptavinir okkar kunna að meta“ segir Ólafur í viðtali við heimasíðuna.