DNG

Almennt

DNG alsjálfvirka færavindan hefur verið framleidd síðan 1985 og til marks um gæði vindurnar er óhætt að fullyrða að yfir 90% af framleiddum DNG færavindum frá upphafi eru enn í fullri notkun.  Fyrirtækið Slippurinn Akureyri ehf. framleiðir vindurnar og sér um sölu og þjónustu gagnvart viðskiptavinunum. Vindan er alfarið smíðuð og samsett á Akureyri.

Hagkvæmt veiðarfæri

DNG vindan er háþróað veiðitæki sem tryggir fiskimönnum mikil afköst með litlum tilkostnaði.  Færafiskur er talinn besta hráefnið, sem sýnir sig á fiskmörkuðum víðs vegar um heim allan.  Út frá þessari staðhæfingu segir sig sjálft að færaveiðarnar eru hagkvæmasti veiðiskapur sem völ er á.

Fjölbreytni og gervigreind

DNG vindan inniheldur mörg mismunandi veiðikerfi, svo sem fyrir makríl, þorsk, ufsa, smokkfisk, beittan öngul, tröpukeip og ýmis leitarkerfi.  Notandinn getur einnig útbúið sín eigin veiðikerfi og sín sérstöku keip og geymt í minni vindunnar

Vistvænar veiðar

Í heimi þar sem umhverfisvernd fær sífellt meiri athygli beinir samfélagið sjónum sínum m.a. að fiskveiðiflotanum. Olíunotkun færabeiðibáts er með því minnsta sem þekkist á hvert veitt kíló fiskjar.  Við handfæraveiðar er engin mengun af veiðarfærum sem týnast í sjó og áhrif á botn og gróður er engin.  Því er eru vandfunin vistvænni veiðarfæri.

Sparneytni

Með áralangri þróun og rannsóknum hefur tekist að hanna vindu sem er kröftug, sparneytin og auðveld í stjórnun. Meðalstrumnotkunin á 24. volta vindu er aðeins um 2 Amper.  Þörfin á stórum og þungum geymum er mun minni og 4 vindur eru um 10 tíma að tæma 80 Amperstunda geymi.  En einmitt þegar um planandi báta er að ræða skiptir þyngd á geymum miklu máli. Vindan getur tengst bæði í 12 og 24 volt.

Rekstraröryggi